رواية...هي الوجه الأول

الفصل الحادي عشر
استاذ عماد قصدي حضرت الظابط عماد حضرتك معايا حضرت الظابط
أيوة معاكي بصي أنا مش عايزك تقلقي الجيران أنا حتصرف معهم هاخد عليهم تعهد كمان أما البنت فأنا أعرف اللي يخلص لك الموضوع رسمي ونصلح البيانات وممكن تغيري اسمها كمان لو حابة.
فرحت جدا أول مرة حد يعرض مساعدة عليا من غير ما أطلب واعتقد بان عليا 
بجد حضرتك ممكن تعمل كده!
ابتسم والغريب إني حسيت أنه سعيد لسعادتي 
أكيد ظابط بقي بعد ما أخلص موضوع الجيران حاخد تليفونك واكلمك لما أتفق معاهم عشان تخلصي الورق اتفقنا

رديت وأنا في قمة سعادتي 
اتقفنا.
نده الضابط العسكري ودخل الجيران وطلب مني أقف معاهم والصراحة ثبتهم لدرجة إني خفت منه تاني وفعلا زي ما قال مضاهم علي تعهد بعدم التعرض وأخد رقم تليفوني وأنا اخدت البنت تاني في حضڼي حسيت براحة كبيرة وفرحت جدا فوق ما تتخيلوا رجعت البيت وأنا أول مرة أحس بالنصر كان احساس جميل لما رجعت البيت أول حاجة عملتها كلمت عمتي وحكيت لها علي كل اللي حصل هي خاڤت عليا طبعا وحمدت ربنا إن الظابط صدقني وساعدني وإلا كنت تبهدلت.
الحمد لله إنه وقف معاكي دي البداية يا أمل اجمدي اللي جاي حيكون أصعب.
بعد كام يوم تليفوني رن برقم غريب وطبعا أنا نسيت وعده أو الأصح تخيلت أنه مش هيهتم وأنه كان كلام وخلاص وما جاش في بالي نهائي أنه هو فرديت علي أنها معاكسة واستظراف.
الو مين
مش مسجلة الرقم
استظراف ما بحبش.
وقفلت الخط فاتصل تاني.
أفندم.
أنا الظابط عماد.
بتاع القسم!
بتاع القسم! اممم لا حضرتك ظابط القسم. 
أحرجت جدا ابتسمت اداري كسوفي وحاولت أصلح اللي قولته 
أنا آسفة مش قصدي بس ما توقعتش.
مش قولت لك حساعدك تصلحي الورق.
ما توقعتش إنك هتهتم تقريبا ما حدش ساعدني من وقت ۏفاة بابا قولت يمكن اشفقت عليا وقتها وخلاص.
حاول يخلي فيه القليل من المرح 
اشفقت كلام كبير قوي بصي بعد بكرة فضي نفسك الصبح هاتروحي العنوان اللي حبعته علي الوتس وده وزارة عشان ما تفكريش زي ما بتسمعي علي السوشيال ميديا حتقابلي هناك الشخص اللي حبعت اسمه وهو حيقوم معاكي بالواجب وزيادة.
مش عارفة أشكرك ازاي بجد شكرا لاهتمامك حد تاني كان نسي أصلا وقال موقف وعدي
من غير شكر جهزي للبنت الاسم اللي عايزاه عشان حتغيريه.
فرحت قوي فعلا ما تخيلتش في اقصي احلامي اني اقدر اغير اسمها 
بجد حاقدر أغير اسمها أنا مش عارفة أقولك إيه بجد شكرا لو في كلمة أكبر من كده كنت قولتها. 
حس بسعادتي وابتسم مع ضحكة بسيطة كانت واضحة في صوته 
فرحتي قوي كده مهم قوي تغيري الاسم.
الصراحة أيوة أصل اسمها كان ملغبط قوي ملوش علاقة ببعضه كفاية إن اسمها كان علي اسمي.
ودي حاجة وحشه
أكيد اخاڤ عليها حظها يكون زي حظي.
ما تنسيش بعد بكرة الساعة 10 الصبح حبعت المكان واسم الشخص واتس.
كنت مبسوطة جدا طايرة من السعادة مش عارفة أوصف لكم مبسوطة قد إيه أخيرا حاقدر أصلح حاجة في حياتي الملغبطة اخدت يومها إجازة وروحت المكان اللي بعته لي وسالت علي الشخص اللي قالي عليه وتفاجأت لما لاقيته هو كمان هناك.
حسيت بفرحة مش عارفة سببها
حضرت الظابط إزيك.
أنا قولت أجي يمكن تحتاجي مساعدة تاني.
ده كتير قوي وكرم منك.
يعني غيرتي فكرتك
أكيد لو الكل كدة.
طيب تعالي ندخل جوه نبدأ الإجراءات.
دخلنا وطبعا استقبلنا كويس جدا ما قومتش من مكاني خالص صديقه قام بكل الإجراءات خذوا بس اسم البنت الجديد وحصل موقف قمة في الإحراج كنت في نص هدومي لما سألني الضابط عماد
كنت عايزة تغيري اسم البنت يا تري حددتي الاسم الجديد .
أيوة إن شاء الله هبه عماد رشدي.
اټخضيت من نفسي وتعجبت وسكت كنت عايزة اسميها هبه سليم رشدي حغير حاجة بسيطة في اسم بابا إيه خلاني أغير الاسم وأدخل اسم الظابط حقيقي مش عارفة.
صديقه اللي بيخلص الاجراءات كتب الاسم واستأذن 
تمام ثواني وراجع.
بعد خروجه بصيت له وقلت بتلقائية 
أنا آسفة لو استخدمت اسمك مش عارفة قولت كده ليه أنا كنت حسميها هبه سليم رشدي مش عارفة إزاي طلعت مني عماد!
ظهر عليه الهم والزعل 
لا عادي يعني هو أنا بس اللي اسمي عماد.
حسيت أنه حب يعمل جو مرح يغطي علي الإحراج اللي بان عليا وكمل كلامه
حتي عماد اسم قديم جدا.
ابتسمت وأنا محرجة جدا واعتذرت فكمل كلامه
سجلتي نمرتي
رديت بتلقائية وتسرع 
أه والله واسفة إني قفلت أول مرة.
اه لما قفلتي في وشي قصدك
وجهي جاب ألوان الطيف كلها من الإحراج وسكت.
خلاص ما تتكسفيش كده حصل خير لو احتاجتي مساعدة أي وقت كلميني بدون تردد.
ابتسمت وحسيت بسعادة جوايا أول مرة حد يساعدني بدون ما أطلب ويهتم بيا صحيح مش عارفة مهتم ليه واضح بنسبة 90 انه شفقة وتعاطف بس مبسوطة مش عارفة ليه!
اخيرا بقي معايا ورق رسمي سليم لهبه اسم جميل بحبه من زمان كنت فرحانة وحاسة اني عملت انجاز عظيم كلمت عمتي ونور وحكيت لهم وهما الاتنين