رواية...هي الوجه الأول

يا أمل. 
بصيت له وحاولت ابتسم وهو كمل كلامه
أنت أحسن بكتير النهاردة بتحبي عمتك قوي كده
أماءت راسي
مش عايز أضغط عليك بس عايزك لو قادرة تتكلمي.
حاضر.
الدكتور مطيعة.
سكت وتابعني يشوف رد فعلي أما أنا فبصيت له بتيه وبدأت ابكي بشدة لان افتكرت عماد وطريقته وهو بيقولها قتلني الۏجع والحنين كمل الدكتور الجلسة وما طولش.
كفاية كده النهاردة من بكرة ممكن تنزلي الجنينة.
جلسات كتير الدكتور اتكلم معايا في كل حاجة تقريبا وكل الحاجات اللي المتني ووجعتني وحاول يتكلم معايا كتير عن عماد وأصل المشكلة معاه وكل مرة اجي عند المشكلة اللي تعباه وارفض أتكلم عنها والدكتور يبص لي ويبتسم.
أكيد أتكلم مع كل واحد منهم من كلامي عرف إني بحب والدة عماد وبعتبرها زي ماما فسمح لها مع عمتي تزورني أول ما شوفتها فرحت جلست جنبي وحضنتي.
وحشتيني قوي عاملة ايه خضتيني عليك.
الحمد لله أنت كمان وحشتيني.
حقك عليا يا بنتي.
بكيت وحنيت راسي وهنا تدخلت عمتي.
لا يا أمل اجمدي مش عايزين نرجع لورا تعالوا ننزل الجنينة.
وفي معاد الجلسة وكانت من الجلسات الاخيرة قبل خروجي سألني الدكتور سؤال ما توقعتوش
بصي يا أمل أنت تعرضتي في حياتك لظلم كبير ودايما بتشوفي اللي بيحصل من وجهة نظرك ووجهة نظر والدك لحد والدك ما ټوفي بقيتي بتشوفي من جانب واحد بس مش حابة تعرفي وجهة نظر اللي حواليكي وتعرفي تصرفوا كده ليه معاكي وندموا علي غلطهم معاكي ولا لأ
مش عارفة مش حيفرق.
لأ طبعا حيفرق أكيد ومن حقهم يوضحوا وجهة نظرهم يمكن كانوا خايفين عليك فعلا أو علي الأقل مش قصدهم أذيتك.
مش عارفة.
بما إني الدكتور المتابع ليكي أحب أقولك ده حيفرق معاكي جدا ونصيحة لازم تسمعيهم.
أخاف أتوجع منهم تاني مش قادرة أدخل في نقاش تعبانة فعلا.
لازم تسيطري علي خۏفك وعلي العموم أنا حاساعدك وحكون معاكي وتأكدي أنهم هما كمان خايفين عليك جدا ومحدش منهم حيزعلك.
أماءت راسي بدون تعقيب.
تمام حنبدأ من بكرة كفاية كده النهاردة.
تاني يوم في معاد الجلسة 
أمل حقولك اسم كل واحد من دائرة معارفك وقولي علية اللي يجي في بالك.
حاضر
عمتك.
بحبها قوي بتفكرني ببابا وحضنه فاهماني وحاسة بيا.
رحمة
اسم علي مسمي رحمة وهي فعلا رحمة.
لؤي.
أخويا وجعني كتير بس اتغير مش عارفة أحس معاه بالأمان
نور.
صاحبتي الوحيدة وحبيبتي أكتر من اختي وقفت جنبي كتير وباباها كمان.
هادي. 
أنا بۏجع جبان وحقېر.
زياد أو ا زياد زي ما بتقولي.
تصاعدت أنفاسي 
بشع وحش في شكل إنسان.
اهدي يا أمل هو مش معانا وعمره ما حيكون كل اللي بيحبوكي حيبعدوه عنك نكمل.
أماءت راسي وانا بتمالك نفسي من جديد.
والدة عماد 
ماما التانية بتحبني وبحبها
كده فاضل شخص واحد عارفاه.
بصيت للدكتور بصمت وفي عيني الدموع.
عماد.
قتلني.
بس هو تعبان عشانك.
شفقة قول له إني كويسة وهو حيبعد وينسي عادي أنا تعبت.
بتهربي ليه
مش هروب تعبت مش قادرة أكمل.
هو مصر يقابلك.
مش عايزة.
ليه
عمره ما حبني ولا هيحبني الكلام مالوش لازمة.
متأكدة.
ساد الصمت لثواني واتكلم الدكتور
طيب إحنا اتفقنا تسمعي وجهة نظرهم صح
أيوة.
مشكلتك مع لؤي وعماد الباقي بتتكلمي معاهم وتتناقشي وعارفة وجهة نظرهم عدا هادي وزياد اللي مابقاش ليهم وجود في حياتك تحبي نبدأ بمين
مش عارفة.
نبدأ بلؤي جاهزة تقابليه و تسمعيه.
أماءت له ودخل لؤي.
الفصل الخامس والعشرون
وحشتيني ماكنتش مصدق لما الدكتور قال إني حاقابلك.
قرب حضڼي وابتسم بادلته الابتسام وأنا قلقانة فبدأ الدكتور الكلام
أستاذ لؤي أنت أكتر شخصية أذت مدام أمل لفترة طويلة وسببت لها ألم وۏجع وللأسف ترك أثار نفسية عندها لحد دلوقتي.
رد لؤي بصوت مليان بالألم والحسړة 
للأسف أيوة كنت فاكر أن ده الطبيعي خاېف عليها غير كلام جدي اللي كبرني عليه كنت بشوف البنات اللي أعرفهم عاملين ازاي بيخبوا علي أهلهم ويكذبوا وبعضهم آذي نفسه بحسن نيه وأمل طيبة كنت بشد عليها وأراقبها عشان أحميها من وجهة نظري.
والضړب كان بيحميها.
كنت غلطان باعترف ما كنش المفروض اتعامل معاها كده ما فوقتش غير لما بنتي توفت حسيت أنه ذنبها عشان تعاملي معاها ورحمة كمان قالت لي نفس الكلام
بص لي وعيونه كلها ندم واعتذار
أنا آسف عارف أن اعتذاري مالوش قيمة مش هيلغي اللي فات بس أنا فعلا ندمان.
نزلت دموعي وأنا بسمعه ومشاعري بين فرح لأني تأكدت أنه تغير فعلا وۏجع من الماضي.
رغم كده كنت حتقتلها
كان بقالها شهور هربانه من البيت وطليقها كان مستفز قدر يوصلني لأقصي مراحل ڠضبي فهمني أنها باعت نفسها ولما شوفت الطفلة في ايدها ونازلة من بيت غريب الشيطان اتملك مني ما كنتش سامعها كنت بضربها طول الطريق ومنتظر اللحظة اللي حاغسل عاري فيها.
ليه ما سمعتهاش 
كان صعب عليا قوي كسرتني بهروبها خۏفت عليها قوي حسيت انها ضاعت وضيعت نفسها مش قادر اسيطر علي ڠضبي ولا علي ننفسي
وهنا عيني اتملت بالدموع بحاول اكتمها حاسة أنه فعلا ندمان.
ليه جوزتها لزياد وهو ضعف عمرها 
كنت غلطان حسيت بغلطتي متأخر ۏجعي علي بنتي خلاني أحاسب نفسي ويوم القسم أمل اديتني أكبر درس وقلم علي وشي برفضها أذيتي وقالت بتلقائية