حكايات هي

لأ خاب أملها حين وقفت أمام باب المنزل كما خاب ظنها فمنزلهم مصدر الضوضاء ليس فحسب إنما المنزل يعج بالجيران والأصدقاء وقفت فاغرة الفاه واحتقنت عينيها بدموع حبيسة ثبتت عينها حيث تجلس والدتها تتأملها فوجهها يشع سعادة توزع بسماتها بين الحاضرين تتبادل الحديث مع هذه الجارة تارة ومع الأخرى تارة زرعت قدمها بالأرض تطالع الجمع بضيق امتلأ به صدرها أين تنشد الهدوء والراحة إذن! انتبهت لها والدتها فحدثتها بوجه مشرق وحفاوة
حمد الله على السلامة يا نودي واقفة ليه! ادخلي سلمي يا حبيبتي.
لم تستطع كبح زمام ڠضبها وتحدثت پاختناق ونفور بدا واضحا فأحرجت الجميع
أهلا وسهلا طبعا هو أيه اللي بيحصل! في عندنا مناسبة!
تعابيرها والضيق البادي بنبرتها وملامحها لم يخف عن الجمع وبالخصوص والدتها التي حدجتها بحدة مانعة إياها من رشق الحضور بكلماتها المسننة وتحدثت إحدى الجارات في محاولة لتدارك الموقف
معلش يا بنتي دي والدتك عاملة عزومة صغيرة ربنا يجعله عامر.
عزومة أيه! ده يا دوب كرنباية وشوية كوسة بقت عزومة! دول مش بيقضونا أصلا!
اخترقت تلك الاصوات الجدران فخرجت الأخت الصغرى من الغرفة متزامنة مع صوت والدتها
ندى ادخلي جوه.
يا ماما...
تقابلت نظرات والدتها المھددة والمنذرة مع نظراتها الحزينة الذابلة وانتبهت على يد أختها تجذبها للداخل في هدوء استجابت لها تشعر بالخزي والوحدة وبالداخل بدأت أختها الحديث
أيه يا بنتي! فكيها.
يا نور أنا بحلم بلحظة رجوعي والراحة من أول اليوم أعد الثواني عشان أروح أقوم ألاقي فرح هنا ويا ريته على حاجة تستاهل.
ماما بقالها فترة تجهز لليوم ده أنت بس اللي في دنيا تانية ومين قال مش تستاهل!
نور!
ماما منتظرة اليوم ده وكأنه عيد حاسة إنها بتعمل حاجة كبيرة وحلوة نذرتها لوجه الله استحملي اليوم بالطول أو العرض حاولي تفرحي وتفصلي عن النكد اللي عايشة فيه.
حاجة كبيرة وعيد بحلة محشي!
أيوة في ناس كتير مش بتقدر تعمل محشي الأيام دي لأنه بقى مكلف أيوه ما تبصيش كده وتعالي نحسبها تخديعة محشي يعني بصل وطماطم وخضرة تقدري تقولي لي يكلفوا كام
البصل باشا لوحده بكتير قوي يعني الجملتين دول يدخلوا في ٢٠٠جنيه كده.
مش هقول لك الكرنبة والكوسة والباذنجان بكام بس هقولك المرقة اللي هيتعمل بها المحشي...
من غير ما تكملي دي ماما اشترت البطة من الشهر اللي فات وبتحوش فلوسها من قبلها بشهر ده غير حظر التجوال على التلاجة وكل شوية تتمم عليها!
كده وصلنا لكام!!!
دي ميزانية يا بنتي!
شوفتي!
ده أنا بوظت الدنيا على الآخر.
شردت قليلا ثم نهضت وكادت أن تخرج من الغرفة فتحدثت نور محذرة
ندى! أوعي تحرجي الناس تاني.
ما تخافيش قولي لي صحيح جبتي العقل ده منين وحسبتيها كده إزاي!
ماما فهمتني وحذرتني أحرج أي حد وقبل ما تسألي أنا قولت لماما تشرح لك أنت كمان بس الست كانت واثقة فيك قالت أنك متحملة مسئولية نفسك من زمان ومقدرة الغلا اللي ضړب الدنيا وهتفهمي من نفسك.
وأنا عكيت الدنيا وأحبطتها.
بالظبط كده هي الضړبة كده تأتي من حيث لا نحتسب.
خطت بضع خطوات فأوقفتها أختها
رايحة فين بس!
أصلح غلطتي.
خرجت ندى للجمع عينها تبحث عن مكان والدتها التي تابعت خروجها فنظرت إليها بأعين مترقبة طالعتها ندى بأعيم باسمة وإماءة خفيفة ثم وقفت بمنتصف المكان وأعين الجميع مسلطة عليها فرسمت بسمة عريضة مرحبة أعقبتها بزغرودة رنانة أطربت الجميع وأزالت الحرج عنهم جارتها إحدى الجارات بأخرى رنانة
طربة فابتسمت الأم لابنتها برضى وعادت إليها سعادتها ونشوتها.
شمرت ندى اكمامها فسألتها أمها
بتعملي إيه
أساعدكم.
لا شكرا إحنا هنعمل كل حاجة أدخلي نامي أنت.
كادت ان تتحدث لولا دخول إحدى الجارات وقد أثقل رسغيها ما ترتديه من قطع ذهبية نظرت لهم وتحدث بلوم وعتاب
بقى كده يا أم ندى! لا أنا عاتبة عليك.
ليه بس! ما اقدرش على زعلك والله!
يا سلام! ده أنت عملت وعملت كمان.
فهميني بس وأنا أصلح غلطتي.
بتهزري! ماشي بقى ينفع تبقى عاملة يوم زي ده من غير ما تقولي! ليه وأنا ما ليش مكان وقدر.
والله الموضوع صغير وعلى قده! مش قيمتك يا غالية.
ومالك انكسفت ليه لقمة هنية تكفي ميه ايدي في ايدك ونكبر اللمة بصي يا سيتي أنا عديت على محلين الجزارة كل واحد طلع ٢ كيلو لحمة وشوية ممبار ونضفوهم كمان وأنا زودت رز وخضار وشوية من حبايبي زودوا شوية حاجات كمان شوفتي بقى! كان لازم تقولي لي.
ما شاء الله وانا الحق أخلص كل ده أمتى!
وليه لوحدك أنا وكل ستات الشارع معاك مش كده يا ستات ولا أيه!
تعالت الهمهمات بالتأكيد وارتفعت الروح المعنوية للجميع فتحدثت ندى بسعادة اشتعلت بقلبها وروحها أيضا
كده بقى أنا عليا أعمل كيكة لزوم التحلية.
وأنا معاك وكلمت الحلواني وشوية من حبايبي واتفقنا نجهز شوية حلويات السلام عليكم الأول.
التف الجميع جهة الصوت مرددين عليها السلام مع نهاية حديثها وكانت إحدى الجارات ميسورة الحال.
مر الوقت بسعادة وحبور مجهود كبير من الجميع لكنه تم بسعادة ورضا ذهب عن ندى قنوطها من أوقاتها العصيبة وغزاها النشاط