رواية رائعة للكاتبة لينا بسيوني حصري الجزء الثالث

دلوقتى !!
قولتله 
أنا لسه دبانة  وواقف على رأس عملاق من العمالقه هزاوله واجيلك  !!
قالى وهو فرحان 
ياقلبك الجامد يانينو بسرعه  قابلنا قدام القلعة جيشنا بره القلعه وبيتقدم ناحيتهم .
طيرت  فى السما وانا دبانة  لحد ما قربت عند جيشنا وهبطت وانا بلف وبرجع  بنى أدم تانى نصير حضنى وقالى 
أصلى يانين...
الارض بدأت تتهز من تحتنا أتفاجئنا كلنا  بالافيال الضخمه بتنطلق بسرعه كبيره ناحية جيشنا !!
أبن القاف أتحول بسرعه لذئب وخد وضع الاستعداد .
العناكب والافاعى الضخمة وجيوش الشياطين كان بتنطلق بسرعه جنب الافيال اللى  أكتسحت صفوفنا و بدأت تنفث الڼار علينا .
نصير نقلنى بسرعه وانا بنى أدم بعيد عن الاشتباك و قالى 
بسرعه يانينو مفيش وقت !! أتحول لسيمبا كوبا !!
بصيت على جيشنا اللى الافيال والافاعى والعناكب  بتكتسحه .
شوفت  الذئب أبن القاف وهو بيهاجم فيل من الافيال وبيحاول يوقعه بس فشل  فالفيل رفسه جامد ونطره بعيد وفضل ينفث الڼار على الجيش .
قولت لنصير 
أنا خاېف يا نصير أنا خاېف عليكم !!!
نصير قالى بتوتر  
انجز يا نور انت مش شايف !! كدا كدا  بڼموت أصلا ..
قولت لنصير وانا متردد وقلقان 
خد بالك منى يانصير !!!
لفيت لفه كامله وانا بفكر فى سيمبا كوبا شويه وبدأ تحولى أول ما أكتمل تحولى زئرت بصوت هز أرجاء المعركه ولفت أنتباه الافيال والكائنات التانيه .
نصير نط فوق ضهرى بسرعه ولمسنى وقال 
سامعنى يانور !!
مقدرتش  أرد عليه !!!
أكتفيت بس بهز رأسى فقالى 
Lina Basyouni
أنطلق ياسيمبا !!
محستش بنفسى . كل اللى كنت فاكره أنى بفترس أى حاجه عينى تقع عليها شياطين   عمالقه عناكب أفاعى  حتى الافيال كنت بنقض على اى فيل وأوقعه كأنه فرخه !!
كنت بسمع بس نصير وهو بيوجهنى ناحية كائنات العزيف علشان أفترسهم .
الافيال وباقى كائنات العزيف كانت  بتجرى وبتهرب من قدامى .
سيبت جيشنا اللى مشتبك مع الشياطين وجريت ورا الكائنات وفضلت أطاردهم فى الصحرا واللى كنت بحصله كنت بفرتكه بضړبة واحده من مخلبى أو نابى الطويل .
زئيرى  العالى رعبهم وخلاهم يفروا زى الفيران لحد ما أختفوا وسط الصحرا .
لافيت ورجعت تانى ناحية جيشنا لاقيتهم بينفذوا الخطه وبيجرجوا جيوش الشياطين ناحية القلعه علشان يصعقوهم .
نصير قالى 
أقف بعيد يانينو أوعى تهجم مش هتعرف تفرق بتهجم على مين  !! الشياطين هيتقدموا ناحية موتهم ..
وقفت من بعيد بتفرج على جيشنا وهو بينسحب أنسحاب أستراتيجى ناحية القلعة .
لحد مانجحوا يخلوا الشياطين يقربوا ناحية القلعة سمعت من بعيد صوت المحركات وهى بتشتغل شويه وبدأت الموجات اللى خارجه من السور ټحرق كل الشياطين اللى قريبين من سور القلعة .
نصير هلل وهو فرحان أن خطتنا بتنجح!! 
بس أتفاجئنا كلنا لما  سمعنا صوت  مولدات الكهربا بتتنطفى !!! والموجات بتقف والشياطين بطلوا يتحرقوا !!
شوية والسما  بدأت تضلم  !!!
لحد ما أرض المعركة ضلمت تماما زى الكحل ومكناش شايفين جنودنا ولا الشياطين اللى بتهاجمهم !!
سمعت صوت نصير بيقول 
عفاريت الجن !!!
بعدها سمعنا صوت رعد ولمحڼا  برق أحمر بيضرب السما !!
سمعنا جنودنا وهو بتصرخ وسمعنا صوت هبدة قوية !!
شويه والنور بدأ يرجع للسما تانى !!
بصينا ناحية القلعه لقيناها اتهدت !!! و لاقينا الشياطين اقتحموا القلعة وواقفين وسط چثث جيشنا اللى تقريبا كله ماټ  !!!
نصير نط ونزل من فوق ضهرى وهو بيقول 
بسرعه يانور أتحول  تنين !!
لسه بلف عشان اتحول تنين نيللى ظهرت فجاه قدام عينى وقالت 
وحشتنى يانور !!
هجمت عليها لقيتها اختفت من قدامى  وظهرت تانى ورايا .
نصير حاول يهجم عليها بس أختفت تانى وظهرت فوق ضهرى .
لسه هنفضها من فوق ضهرى لاقيتها صبت على جسمى سائل وأختفت !!
يتبع
رواية ميراث نور الجزء الثالث
الحلقة الخامسة بعنوان سم
لسه بلف عشان اتحول تنين نيللى ظهرت فجاه قدام عينى وقالت 
وحشتنى يانور !!
هجمت عليها لقيتها اختفت من قدامى  وظهرت تانى ورايا.
نصير حاول يهجم عليها بس أختفت تانى وظهرت فوق ضهرى لسه هنفضها من فوق ضهرى لاقيتها صبت على جسمى سائل وأختفت !!
Lina Basyouni
نصير قال 
يا بنت الكلب !!
حاولت أنفض السائل من على جسمى على أد ما اقدر.
نصير قرب عليا بلهفه وقالى 
أنت كويس يانور !!
هزيتله رأسى بالتأكيد.
مد صوباعه على ضهرى وشم السائل وقال 
سم !!!
مسح صباعه فى الرمل بسرعة وقالى 
أرجع يانور علشان نعرف نتواصل.
لفيت لفه كامله علشان أرجع وأستنيت شويه بس مارجعتش !!
لفيت تانى وحاولت أرجع بس مارجعتش برده فضلت الف حوالين نفسى !!
أتفاجئنا بسهم بيسقط جنبى بالضبط بصيت ورايا لاقيت مجموعه  من الشياطين بيمطوا أقواسهم وبيطلقوها فى الهوا علشان تسقط علينا  نصير نط فوق ضهرى وقالى 
أهرب بسرعه يانور .. أجرى.
جريت بأقصى سرعه  وسط الاسهم اللى بتسقط علينا من السما فضلت أجرى فى الصحرا ونصير فوقى لحد مابعدت تماما عن أرض