رواية رائعة للكاتبة لينا بسيوني حصري الجزء الثالث

كلامه وقال 
بس قرين جدك عنيد جدا وقوى والشاب مقدرش يجلبه أو يحضره وقالنا أنه أول مره فى حياته يفشل أنه  يستحضر قرين بنى آدم!!!
تقريبا جدك كان عامل تعزيمة حماية على قرينه علشان محدش يستدعيه ويستغله !!
الشاب أنهك جدا بس وعدنا أنه هيحاول تانى بكره انه يحضره يمكن القدر ماخلكش تعالجه علشان يجى اليوم ويعالجك هو !!
نبشت الارض  پعنف وكان نفسى أقوله خد بالك من نورا وسندس فحس بيا وقال 
ماتقلقش على نورا وسندس انا بعت حنوش يعرف سندس اللى حصل علشان تاخد بالها ومتقلقش عليك .
وانا معاك هنا ومش هسيبك لحد مانقدر نتواصل مع روح جدك  .
هزيتله رأسى .
حاول يفك ويهزر معايا فقالى وهو بيبص على الفيل 
 طعمه حلو !!
فهزيتله رأسى بأستنكار..
نصير فضل جنبى فى الكهف وطلع الصبح  بدرى وراح للشاب اللى بيتواصل مع الارواح .
وانا فضلت فى الكهف لوحدى حاولت أقاوم الجوع بس ماقدرتش ولاقيتنى بجرى فى الصحرا وبدور على فريسه وفضلت أجرى بسرعه كبيره جدا .
حاولت أقف بس مقدرتش الحيوان كان هو المسيطر قاومت وحاولت أوقف الحيوان سمعت صوت زئير فى ودنى خلى روحى تصرخ  !! بعدها فقدت تحكمى الكامل فى الحيوان و توهت فى الصحرا..
...................................................................................
نورا 
بابا بيكرهنى ومش عاوزنى أخف وبتمنى أنه ېموت 
ده اللى كنت حاسه لما بابا خد منى الحذاء وخباه فى الدولاب .
ماما سندس صحيت مالقيتش بابا فى الكهف ولاقيتنى  قاعدة على مكتب بابا وبقرأ كتاب فى الفيزياء..
قالتلى وهى بتتاوب
أبوكى فين يانورا !!
قولتلها بنرفزه 
Lina Basyouni
معرفش راح فين .. انا نفسى ېموت !!
قالت بسرعه 
تفى من بوقك يابت..
فتجاهلتها !!
فقالتلى بعصبيه 
تفى الدعوه من بوقك يانورا!!!
فتفيت من بوقى وانا بقول
اهوه تفيت  الدعوة من بوقى ياسيتى.. أرتحتى !!
قالتلى وهى بتعنفنى 
أياكى تدعى على أبوكى تانى  .. فاهمة !!
قولتلها 
بابا ده وحش عايزنى افضل طول عمرى بزحف على بطنى  زى التعبان !
قالتلى 
عيب يانورا .. أبوكى عمل اللى مايعمل علشان يشفيكى ...
قطعت كلامها وقولتلها بأستنكار  
عمل أيه !! حاول يشفينى !! على ما أعتقد بابا كان بيشتغلنا كلنا وكان بيعمل نفسه أنه بيحاول يعالجنى بس الحقيقه غير كده خالص الحقيقة ان لما بابا لقى العلاج خدوا منى ورجعنى تانى عاجزه !!
قالتلى 
أنتى بتقولى أيه يابت !! علاج أيه !!
قولتلها 
عمو حنوش جابلى حذاء لما بلبسه برجع امشى تانى وأجرى واتنطط كمان وبابا لما شافنى بجرى وبتحرك اتضايق وخدوا منى قال أيه علشان أنقذت واحده كان واقعة فى البير وھتموت .
ماما سندس بصتلى وهى متنحه وقالتلى 
حذاء مين !!!  وست أيه !! وبير أزاى !! أنتى بتقولى أيه يانورا أنا مش فاهمة حاجه !! أنتى عملتى أيه يا بنت سندس الدرويشة !! واحده واحدة  وأحكى كل حاجه والا قسما بالله لاجيبلك أم قرفة وأبو قرفة يلموا الحشرات اللى فى شعرك !!
بصيتلها وانا مړعوبه فشخطت فيا وقالت 
أنطقى يابت !!
فحكيتلها عن كل اللى حصل عن باريس وبرج أيفل والحذاء والبير وأول ماسمعت أسم نيللى أتنفضت من مكانها وفضلت تلطم وهى بتقول 
يخربيتك يابنت الهبلة طلعتى القردة يابت !!
قولتلها 
قردة ايه ياماما بقولك بنى أدمه !!
فضلت تخبط بأيدها الاتنين فوق رأسها وهى بتقول 
لا ياختى دى قردة خربتى البيت منك لله!!!
سكتت شوية  وخبطت على صدرها وهى بتقول 
يالهوى !! علشان كده سيدى مش فى البيت .
قولتلها 
أنا مش فاهمه حاجه!!
قالتلى 
أنتى قومتى حرب يابت الدرويشة !!! حرب هتبلعنا كلنا 
فضلت تلف فى الكهف وهى بتقول 
أروح فين واجى منين !! أستر يارب والنبى يارب تسترها على سيدى يارب أحفظ روحه يارب أحميه من الاذى.
كنت مفكره ماما سندس بتبالغ !! بس لما عدى يومين وبابا مارجعش انا كمان بدأت أقلق .
لحد ماجه عمو حنوش وحكى لماما كل اللى حصل حكالها عن الحړب اللى قامت واللى خسرها بابا وعن اللعڼة اللى صابته واللى معرفوش يعالجوها.
وحكالها عن الشاب اللى راحوله علشان يتواصل مع قرين جدى ناير  بعد ما عرفوا أن محدش من الجن المعالج أو الانس هيقدر يعالجه غيره .
الشاب قالهم أنه أستحاله يعرف يحضر روح ناير وانهم مخبيين الموضوع على بابا وبيدوله الامل !!
ماما طلبت تشوفوا  رفض بشده وقالها أنه بقى حيوان مفترس ومش بيميز عدوه من صديقه وان عمو نصير هو الوحيد اللى بيقدر يتواصل مع روحه لما يلمسه غير كده بيفترس أى حد بيشوفوه !!
الصدمة خليتنى دايخه !!
Lina Basyouni
أنا لعنت بابا !!! أنا دعيت عليه بالمۏت علشان كان بينقذنى !!
لفيت عجل الكرسى المتحرك بأيدى وقربت على ماما وحنوش واللى ما اهتموش انى سمعت كل حاجة.
قربت على ماما وحضنتها وانا بعيط وقولتلهم وانا بتهته فى الكلام
انا