ميراث نور ٦ بقلم لينا بسيوني

وتهور مش عايز !!! تسمع الكلام اللى بقولك عليه بالضبط اوعى تبقى زيي .
قالى 
طب يا جدو فهمنى ايه اللى فى دماغك !
قلتله 
مفيش وقت عشان افهمك اسمع الكلام وانت هتفهم انا بفكر فى ايه .
قالى 
يعنى ابدا هجوم !
شديت سيفى ولفيته بدراعى فى الهوا وانا بقوله 
فين سلاحک ..
تمتم بتعزيمات على عصايته فاتحولت لقوس كبير مط وتره فظهرت اسهم كتيرة .
قلتله 
احنا قولنا ايه !!! .. خليه سهم واحد بس..
بصلى باستغراب و مط وتره تانى فالاسهم اختفت ما عدا سهم واحد .
اطلقه فى السما فسقط على الجيش ورشق فى رأس مومياء من اللى راكبين العجلات الحړبية وفجرها .
قلتله 
يابنى انت حمار !!! متموتهمش .. ما انا لو عايز اموتهم كنت موتهم من اول ما جيت .. بس دا الجيش بتاعنا .
بصلى باستغراب وقالى 
فى ايه يا جدووو ... دا الجيش بتاعنا ازاى !! .. دا جيش العدو .. هو السفر فى الزمن اثر على دماغك ولا ايه !!
قلتله 
ولد لم نفسك !!! سلسال قليل الادب صحيح .. اسمع اللى بقولك عليه اضرب الاسهم بحيث تصيبهم متموتهمش .
قالى وهو بيحول القوس لسيف 
حاضر يا جدو .. خد بالك بدأو الھجوم وجايين علينا .
بصيت عليهم لقيت جيش المۏتى مشاة و عربيات حربية كلهم بيجروا ناحيتنا بسرعة رهيبة .
حضرت سيفى ولزقنا ضهرنا فى ظهر بعض واستنينا لحد ما المۏتى حوطونا من كل مكان .
ماهر قالى 
ايه يا جدو فين الخطة .. .
خبطت السيف فى الارض فنطرنى لفوق و فضلت متشعلق فى الهوا شويه قلتله قبل ما اختفى 
مع نفسك بقى يا ماهر .. ما تنساش زى ما قلتلك عايزهم يمرمطوك .
سمعته بيقولى 
اها يا جدى يا ندل !!
ماهر 
جدى استندل و سابنى وسط المعركة وخلع !!
معرفش بيفكر فى ايه !!
كل اللى شايفه حواليا مومياوات موتى محاوطنى عاملين حوليا دايرة وبيرموا عليا اسهم ورماح .
تفاديت كل الاسهم والرماح وسيبت سهمين يخدشونى بالعمد عشان ابقى ماشى على خطة جدو برضه .
الدايرة كانت بتضيق عليا ھجم عليا مجموعة من المۏتى فى ايديهم سيوف اتنقلت ما بينهم بسرعة وانا بضربهم بسيفى وبحولهم لرماد وقلت لنفسى 
معلش يا جدو ما انا مش ھموت برضه .
وسيبتهم يخدشونى وانا بقټلهم .
جوهر 
قلت لايسر اللى كان مركز على ماهر وهو بيقاتل جيش المۏتى 
هو الساحر ناير راح فين !!
مردش عليا وفضل مركز على ماهر كأن هو اللى بيحارب .
شويه وقالى 
معرفش بس شكلهم بيخططوا لحاجة .
وقال لنفسه بصوت مسموع 
معقول يكون جيش الشياطين اللى كنا بنديهم التركيبات اضعف من جيش المۏتى !!
قلتله 
اشمعنا .
قالى 
الهجين ماهر محتاس هنا خالص مش بيقاتل بضراوة وقوة زى ما كنا فى الجليد .
قلتله 
مشكلتك يا ايسر انك مفكر ان ماهر مبيتهزمش فمش قادر تصدق انه بيتهزم دلوقتى .
قالى 
طبعا مش هصدق خاصة انى شوفته وهو بيهزمك انت نفسك لما اتحولت لافعى فى الجليد وحاولت تلف عليه مسك رقابتك وعصرها بايده .
رديت عليه وقلتله پغضب 
انت ناسى انهم كانوا عاملين علينا حصار وقعدت شهر كامل مش بأكل ومع ذلك قدرت احكم قبضتى عليه ولولا انهم اتكتلوا عليا كنت خلصت عليه .
ايسر قالى 
خلينا دلوقتى فى الساحر اللى اختفى اكيد بيحضر لحاجة !! بس ايه هى معرفش !!
شوية واتفاجأنا بغبار كثيف بيتصاعد فى السما من بعيد والارض بدأت تتهز تحت رجلينا!!
ميراث نور الجزء السادس
الحلقة السادسة والاخيرة بعنوان خادم السيف 
ناير 
سيبت ماهر فى وسط المعركة ورحت فى حته مستخبية.
وقفت و شديت سيفى غرزته فى الارض وانا بتمتم بتعزيمات.
الرملة بدأت تتجمع حوالين السيف واتحولت لاعصار رملى وبدأ يتشكل على شكل رجل مفتول العضلات خادم السيف .
خادم السيف اتاوب وهو بيقول 
نعم يا ناير صحتنى ليه خير فى حاجة 
قلتله
هو انا عمرى صحيتك فى خير ياننح !!
قالى بعصبية 
قلتلك انا مبحبش الاسم دا انا ليا اسم وقلتهولك .
قلتله 
اسمك صعب اوى يا ننح انا مترجمك ننح.. المهم دا مش موضوعنا.
شاورتله من بعيد على جيش المۏتى وانا بقوله 
عندك طالعه .
قالى باستهزاء 
يعنى انت صحتنى من النوم عشان شويه العضم دول !!!
ايه يا ناير مش احنا متفقين مش هتستدعينى غير للضرورة القصوى !!
قلتله 
معلش اعتبرها ضرورة قصوى الخدمة بتاعتى مش معايا وانا فى الزمن دا .. مفيش وقت اشرح.. من الآخر مقدميش غيرك يا ننح حاليا .
قالى 
عايز أيه تنهيهم ولا تستغلهم 
قولتله 
حبيبى ياننح على طول فاهمنى عايز أستغلهم عايزهم يبقوا تحت طوعى .
قالى 
أمرك ياحامل السيف ...
رجع تانى تحت الرمال شوية والرمال تطايرت فى